By
(Akash khan)
Mera naam Shahzad khan hay main 12th jamat ka
student hon meri kahnai sirf itni si hy kay main khud aik kahani he hon. Mera
khwab aik Software engineer bnana or dunya main bht zyada naam bnany ka ha.
Mery Abu or Ami mujhy doctor bnanan chahty thy magr computer kay sath mohabat
mujhy us rasty sy humaisha rokti rahi. Bs ab kuchi dayr ki bat hy main APSACS (Army
Public School and College System) sy aik university main chala jaon ga or apny
khwab pory kron ga.
Ami aj main jldi so jaon ga kal mujhy college jaldi jana hy
mera college ky drama main main hero ka role kr raha hn. Ya kahna tha kay meri
ami ny mjy mathay pay boosa dia or kahny
lgin kay mera beta asli zindgi ka hero hy na kay kisi dramy ka. Ami muj sy bht
pyar krti hain roz mujhy pyar sy jgana khud mera mun dholana jaisa ky aj kal
srdi hy mery liye rooz suba pani garam kar dyti hai. Abu abhi tak ghar nahi ay
aj mery liye koi khaas tohfa lyny gay hain. Abu kay anay sy phly hum ny khana
kha liya kion kay choti Aresha ko bht bhook lgi hoi thi. Main sony ja raha hn
mera uniform room main he hay na? ami ny mujhy haan main jawab dia or pyar
bhari nazar sy dekhty howay kaha ab so jao suba main khud jgaon ge apko.
Main sonay kay liye chala gya. Mery sony ky kuch dayr bad Abu
a gay unhon ny mery bry main pocha kay Shahzad kahan hay. Ami ny kaha wo tu so
gya apka he intzar kar raha tha. Unhon ny mera tohfa ami ko dy dia or khud
khana khany lagay. Khany kay bad Meri ami, abu or bahan meri birthday ki tyari
main marof ho gay 15 December har sal ki trhan mery liye bht khushi bhari raat
hoti thi Kion kay 16 December ko mery paydaish ka din tha magr is bar 16
December na sirf meri birthday blky college kay dramay main hero kay role ki
waja sy bhi mery liye bht khushi ka din tha.
Suba ka suraj talo hoa or meri ami ny mery mathay py boosa
howay mujhy Happy Birthday Wish. Kush dyr tak hum maa betay main pyar ki batain
hoi or meri ami mujhy meri bachpan ki batain batany lagin. Aj ky din ki
khasosiyat ki wja sy ami ny khud mera mun dholaya. Main ny apny kapry badly or
APSACS ka uniform pahn kar khany kay maiz pay beth gya ami ny garam prata or
sath saag ka nashta bnaya or pahla nawaya tor kar mujhy khilaya. Waqt ki kami
ki wja sy main ny ami kay hath sy pratha lay kar jldi sy kha lia. Meri van
bahir a chuki thi or ab mujhy jana tha. Shyad ya wqt mery jany ka tha jo phir
kabhi nahi ana tha. Van wala horn bja kar mujhy bula raha tha Ami bawarchi
khany main bartan rakhny gain or main ny apna baag uthaya or ghar kay drwazy ko
khol kar bahir chala gya meri ami ny mujhy awaz di or kaha paisy ly lo. Main ny
ami ko kaha mujhy nahi chahya lyt ho raha hn “Main ja raha hun maa”.
APSACS kay auditorium main bht rush hay aj. 1st
or 2nd year kay tamam lrky aj udr mojod hain mery dost aj mujhy phli
bar aik hero ki shakal main stage py dekhain gay. Drama kay bad mery Abu mujhy
lyny ain gy or aj humary ghr main party
ho rahi hy, Mery sb dost or cousins a rhy hain.
Mery drama shoro hony wala hy, Aray! Ya awaz kaisi hy itna ajeeb sa shor
kion ho raha hy. Aray ya tu koi firing kr raha hy kahin dahsahtgardon ny halma
tu nahi kar dia Ay Allah hum sb ki hifazat krna. Achanak bht 2 admi auditorium
main dakhil ho gay or bila ishtial firing shoro kr di. Mery he samny mery
doston ko goliyan lagny lagin or wo zamin pay gir kay trpny lagay. Sainkron
lrky wahi gir gay or lashon ka dhair sa lag gya. Khoon auditorium main aisy
bhny laga jaisy ky kisi nadi ko auditorium main bahny ka rasta mil gya ho.
Aik chez anchank meri tang main a kar lgi or main wahi gir
gya. Us ky lgny pay aik chuban sy hoi or aisi chuban mujhy zindgi main kbhi
nahi hoi thi. Main ny tang ko dekha tu mahsos hoa mujhy goli lagi hay muj sy
utha nahi gya or main wahi ankhain band kar kay lyta raha. Kuch lamhay bad aik
shaks mery upr sy guzra or kuch awazin dyta raha jo mujhy smjh nahi ain shyad
wo kisi ko pukar raha tha. Main ny ankhain kholin or shara lyty howay utha
dekha aik foji jawan waha mojod hay jo pechy ky rasty sy auditorium main ayah y
dahshatgard waha mojod nahi tha main awaz dyna chahta tha us foji jawan ko magr
mujh main itni himt nahi hay ky main us ko awaz dy kar kah skon kay meri madad
kry. Ya kia mery pichy sy 2 musalah sakh
us ki trf bhar rhy hain Ay mery Allah is jawan ki madad krna. Mery samny unhon
ny us jawan pay firing shoro kar di or wo jawan zamen pay gir gya shyad Shaheed
ho gya. Jawan kay girny par mery mun sy aik AH! Nikli or wo awaz un dono
admiyon kay kaan main pari wo meri trf
bharny lagay main un ki kadmon ki ahat sun skta tha. Mujhy aik awaz any lgi
shyad wo meri Ami ki awaz thi un kay akhri ilfaz jo mery kaan main pary thy jb
main van main beth raha tha “beta ghr jldi ana”. Haan main a raha hn maa mery
achy sy kpry tyar kr lyna, mera khana garam kar ky rkhna, Meri birthday hay na
ghar sja ky rkhna main a raha hn maa. Aik shaks ny meri sr py banguk rakhi or
khany laga ya zinda hy dosry ny bola chor do phla ya sun kr mujhy chor kar
pichy ho gya or mur kar dosri trf jany lga itny main dosry waly ny aik goli
chlai wo goli mera sena chaak kar kay guzar gai or pir dosri goli chali jo mery
sr pay lagi. Mery naak kaan or ankhon sy khoon bahny lga or mera jism tarpny
laga or main Aik bht gahri nend so gya
jaisy ky mera sr meri maa ki goud main hy. Haan main apni maa ki goud main he
hn wo mujhy lori dy rahi hy or main so raha hn. Magr jin khwabon ka ap zikar
krti thin na unhin khwabon main “Main ja raha hun maa”.